Monday, July 17, 2017

සමාජ ගැටළු




Introduction to social problems

What is a social problem ?
සමාජයේ පවතින කිසියම් තත්වයක් හේතුවෙන් සමාජයේ සිටින බොහෝ දෙනකුගේ යහපැවැත්ම ඉෂ්ඨ කර ගැනීමට නොහැකි වීම හේතු කොට ගෙන එම තත්වය සමාජ ප්‍රශ්නයක් බවට පත්වේ .
මෙම සමාජ ගැටළු නිරන්තරයෙන් සමාජ ප්‍රතිචාර දක්වමින් සිදු වේ.

Definition of social problems
·        සමාජ ප්‍රශ්න යනු, සමාජයේ පවතින තත්වයන් සමුහයක් සහ ගැටළුකාරී චර්යාවන් මගින්  සමාජයේ ඇතිවන විසංවිධාන තත්වය නිසා ඇතිවන ප්‍රකාශිත තත්වයකි. එම නිසා මෙම තත්වය වෙනස් කිරීමට සමාජය විසින් නිරන්තරයෙන්ම මෙම ගැටළුව පිළිබද ප්‍රතිචාර දක්වයි.
·        මුලික වශයෙන් සමාජ ගැටළු වල අන්තර්ගත වන්නේ සමාජයට අහිතකර සමාජ තත්වයන් වේ. එම තත්වයන් සමාජ ගැටළු තුලින් නිරුපනය වේ.
·        සමාජ ගැටළු සහ සමාජ ප්‍රශ්නයක් සෘජුව හෝ වක්‍රව සමාජයට බලපෑ හැක. සමාජයේ සියලු දෙනාටම හෝ බහුතරයකට බලපෑ හැක. එතුලින් ජීවත්වීමේ නිදහස නැතිව ගොස් ඇත.
·        සමාජ ගැටළු හදුනා ගැනීමේ ආකාර දෙකක් ඇත. ( සමාජ ගැටළුවක් වීම / පෞද්ගලික ගැටළුවක් වීම. ) මේවා , ගැටළුව බලපාන ලද සංඛ්‍යාවට අනුව තීරණය කල හැක.
·        මෙම සමාජ ගැටළු සදහා හේතු මනෝ විද්‍යාත්මක නම් එය පෞද්ගලික ගැටළුවකි. සමාජයේ බලපෑම මත ඇති වූ ගැටළුවක් නම් එය සමාජ විද්‍යාත්මක ගැටළුවකි.
·        සමාජීය විද්‍යාඥයින්ට අනුව බොහෝ පෞද්ගලික ගැටළුත් සමාජ ගැටළු ලෙස මතුව ඇති බව හදුනා ගෙන ඇත.
·        C. Wright Mills නැමති සමාජ විද්‍යාඥයා Sociologicle Imagination  ( සමාජ විද්‍යා පරිකල්පනය ) නමැති සංකල්පය මගින් සමාජ බලවේග පුද්ගලයාට බලපෑම් කරන්නේ කෙසේද යන්න පෙන්වා දී ඇත .

Sociologicle Imagination
·        සමාජ ගැටළුවක් තෝරා ගැනීමේදී සමාජ ගැටළුව තුලට ගොස් හා ඉන් පිටතට ගොස් බලන ආකාරය ( සිතුවිලි , අභිප්‍රේරණ , පෞරුෂ ලක්ෂණ පරික්ෂා කිරීම .)
·        සමාජ විද්‍යාඥයින් විසින් මෙම එළඹුම පරික්ෂා කිරීමේදී දිගු කාලයක් ගතවුවත් , අත්දැකීම් කෙතරම් පුද්ගලික උවත් ගැටළු වලට හේතුව පුද්ගලික හැසිරීම් සදහා සමාජීය හේතු රාශියක් බලපා ඇති ආකාරය හදුනා ගැනීම .
·        සමාජ ගැටළු පවතින්නේ පුද්ගලයාට පරිබාහිරවය. මෙම බලවේග සමාජ සම්බන්ධතා ලෙස පෙන්නුම් කෙරේ .
සමාජීය කරුණු, සමාජ ගැටළු වීම සදහා බලපෑමට  Sociologicle Imagination නමැති සංකල්පය උදව් වේ.
·        Emil Durkime 19 වන සියවසේ යුරෝපයේ ඇති වූ සියදිවි නසා ගැනීම  පිළිබද සිදු කරන ලද සමාජ විද්‍යාත්මක අධ්‍යනයේදී හෙළි වු හේතු ලෙස, විවිධ රටවල සියදිවි නසා ගත් අය විවිධ අනුපාතයන් වලට අනුව සියදිවි නසා ගත්  බවත්, විවිධ හේතු මේ සදහා ඉවහල් වූ බවත් පෙන්වා දෙන ලදී.  සමාජ අනුකලන න්‍යාය මේ අනුව ගොඩ නගා ඇත.

 Nature of social problems
ඒ කාල වල සිටි මිනිසුන් සමාජ ගැටළු විවිධ ලෙස නිර්වචනය කර ඇත. සමාජයට අහිතකර තත්වයන් ඉවත් කිරීම සමාජ ගැටළුවක් තුලින් නිරුපනය වේ. සමාජ ගැටළු තුල  විෂයගත පදනමක් ඇත. සමාජයට අයත් මිනිසුන්ගේ තීරණ මත සමාජ ගැටළු නිර්මාණය වේ.

Claims Making
·        ගැටළුවකට ලක්වන පුද්ගලයන් ඒ තුල සිට ප්‍රතිචාර දැක්වීම සිදු වේ. එයට අදාල රජයේ නිලධාරීන්ට දැන්වීම මෙමගින් සිදු වේ.
·        මෙහි පළමු  පියවර නම් කිසියම් ආකාරයක සිද්ධියක්, මතයක් ලෙස ගොඩ නගා සමාජ ප්‍රශ්නයක් ලෙස ඇගවීම. පවතින තත්වය පිළිගත නොහැකි තත්වයක් බව ඒත්තු ගැන්වීම. සාමාන්‍ය පුද්ගලයින් හට  මෙම  ප්‍රතිචාර මගින් ඵලදායි බලපෑමක් සාමුහික එකතුවීම තුලින් සිදු කල හැක .

Social problems  - Eight Assertions
සමාජ ගැටළු පිළිබද පොදු ලක්ෂණ 8 ක් හදුනාගෙන ඇත.
1.     සමාජ ප්‍රශ්න ඇති වන්නේ  සමාජය ක්‍රියාත්මක වන ආකාරය අනුව වේ.
සමාජ ප්‍රශ්න පුද්ගලික අඩුපාඩු තුලින් සිදුවීම අඩු අතර , වැඩි වශයෙන් සිදු වන්නේ සමාජ සංසිද්ධියක් ලෙස ක්‍රියාත්මක වීමය .
2.     සමාජයේ සිටින නරක මිනිසුන් නිසා සමාජ ගැටළු ඇතිවීම සිදු වේ. බරපතල අපරාධ අන් අයට හිරිහැරයක් වේ.
3.     සමාජ ගැටළු සමාජීය වශයෙන් නිර්මාණය වේ. කිසියම් ගැටළුවක් සමාජ ගැටළුවක් බවට තීරණය කරන්නේ මිනිසුන් විසිනි  
4.     සමාජ ප්‍රශ්න පුද්ගලයින් විවිධ ආකාරයට තේරුම් ගනී. සමාජයේ සිටින විවිධ කොටස් සමාජ ප්‍රශ්න විවිධ ආකාරයට නිර්වචනය කිරීම සිදු වේ.
5.     සමාජ ගැටළු නිර්මාණය වීම කාලයෙන් කාලයට වෙනස් ස්වරුපයක් ගනී.
6.     සමාජ ගැටළු වලට බලපෑ හේතු ලෙස ඇගයුම් වගේම පොදු වූ විෂය මුලික සාධකද බලපා  ඇත.
7.     බොහෝ සමාජ ගැටළු වලට විසදුම් ලබා දිය හැකි වුවත් සියලු ප්‍රශ්න විසදිය නොහැක.
8.     බොහෝ සමාජ ප්‍රශ්න එකිනෙකට සම්බන්ධ වේ. ඒ තුල අන්තර් සම්බන්ධතා ඇත.

Analyzing social problems
1.     කෘත්‍යවාදී විග්‍රහය - Structural functional approach
2.     ගැටුම් ප්‍රවේශය - Social conflict approach
3.     සංකේතාත්මක අන්තර්වාදී ප්‍රවේශය - Symbolic interaction approach

Structural functional approach
සමාජ ව්‍යුහය  තුල ඇති ආයතන වල ක්‍රියාකාරිත්වයේ ස්වභාවය අනුව සමාජ ගැටළු නිර්මාණය වේ.

Social conflict approach
·        සමාජ ප්‍රශ්න වලින් තොර සමාජ පද්ධතිය පවත්වා  ගැනීමෙන් සමාජය පවත්වා ගත හැක. ඒ අනුව ඉහත න්‍යායෙන් සමාජ ක්‍රමය නිර්වචනය වේ. සමාජය තුල ඇති අසමාන පද්ධති නිසා සමාජ ගැටළු ඇති වේ.
·        සමාජය කොටස් දෙකකට ඇති / නැති ආකාරයෙන් බෙදේ . මෙමගින් සමාජ ගැටළු ඇති  වේ.
·        ගැටුම්වාදීන්ට අනුව දුප්පත්කම අපරාධ ඇති කරයි.
·        විසදුම් ලෙස විප්ලව කිරීමෙන් සමාජ ගැටළු අවම කරගත හැක.
·        සමාජවාදී අර්ථ ක්‍රමයක් ඇති කිරීමෙන් ඇති /නැති පරතරය පමණක් නොව සුදු / කළු භේදය, පුමිතිරි බව හා වෙනත් සංස්කෘතික සාධක වල බලපෑමද අවම කරගත හැකි බැව් , ගැටුම්වාදී සමාජ විද්‍යාඥයින් පෙන්වා දී ඇත .

 Symbolic interaction approach
·        මිනිසුන් පුද්ගලයින් වශයෙන් හැසිරෙන ආකාරය මෙම න්‍යායෙන් අවබෝධ වේ.
·        සමාජය විග්‍රහ කරනුයේ පුද්ගලයන් අතර සිදුවන අන්තර් ක්‍රියාවෙනි .
·        සමාජ ගැටළු අධ්‍යනයදී  ක්‍රම දෙකක් යොදා ගැනේ.
                               I.            කුමන ආකාරයට සමාජ ගැටළු පැතිරී ඇත්ද යන්න සෙවීම.
                            II.            කොහොමද සමාජ ගැටළු සමාජ ප්‍රශ්නයක් ලෙස නිර්වචනය කරන්නේ
·        ඉගෙනුම් න්‍යාය - සමාජ ගැටළු වලට හේතු සමාජ ඉගෙනුම් ක්‍රියාව මගින් උගෙන ගනී.
·        ලේබල්වාදී න්‍යාය - සමාජ ප්‍රශ්නයකට  මැදිවූ අයකු හංවඩු ගැසීම තුල නැවත වැරදි කිරීමේ හැකියාව ඇතිවීම මගින් වෙනත් වැරදි කිරීමටද මෙම න්‍යාය බලපා  ඇත.

Sunday, July 9, 2017

නොරදමි තරහක්



කිසිදා නොදැක නිම්තෙර ම,දිවියේ 
නොනිදා පිසලන කදුළක අවසානයේ 
රිසි ලෙස විඳිනට   ... උවනත පුරවා 
කීම නුඹ නාවේ ... තාමත් ම,තෙරට 

සිඹ සනහා වදනක මෘදුව සිහිලෙන් 
නහවා ගත නලවමින්  ... හද තෙරපා
තෙපලා නන්  රිසින් වදනින් දිරිමත්ව 
හිදිනා ... මා .. කීම නොදැක නුඹ තවම 

දෙදරා සලිත හද උවමන් නොමැති විට 
පිසදා නෙතු කදුළු රත් වුන කැළුමකට 
විසදා  පෙම කීම කෙලෙස නොරැදී සිතකට 
දුරැරා  .. මෙපුර නුඹ නාමුත් ම,විමනට 

නොරදමි තරහක් .........

Tuesday, May 30, 2017

පර්යේෂණයක න්‍යායික ප්‍රවේශය


ස්වභාවික විද්‍යාවන් මෙන්ම සමාජීය විද්‍යාවන් සදහාද ඥාන සම්පාදනය සාමාන්‍යයෙන් සිදු වෙන්නේ න්‍යායික පැරඩයිම තුලය. 
" න්‍යායික පැරඩයිම  වලින් කරන්නේ විද්‍යාඥයින්ට පර්යේෂණ ගැටළු , විධික්‍රම විග්‍රහාත්මක මෙවලම් න්‍යාය මෙන්ම සංවාද භාෂාවකුත් සැපයීමයි. " 

Thomas Kun  -  The Structure Of Scientific Revolutions -
                   ග්‍රන්ථයට අනුව වේ. 

විද්‍යාඥයින් ලෝකය දකින්නේ සහ ලෝකය අර්ථය හදුනා ගන්නේ න්‍යායික කාච තුලිනි. පර්යේෂණයට අදාල පටු අර්ථයකින් බලන විට  
  1.   පර්යේෂකය ගැටළුවක් සොයා ගැනීම
  2. ගැටළුව විභාග කරන විග්‍රහාත්මක රාමුව තීරණය කිරීම 
  3. ගැටළුව විභාග කිරීම 
 යන කාරනා විසදා ගන්නේපර්යේෂණයට අදාල යයි සැලකෙන න්‍යායක් මුල් කර ගෙනය. ශාස්ත්‍රීය තර්කනය බොහෝ විට සිදු වන්නේ න්‍යායික ප්‍රභේදයන් ආශ්‍රයෙනි. 
එමනිසා පර්යේෂණයක් යනු හුදෙක් , අර්ථකතන ඉලක්ක කරගත් ව්‍යායාමයක් වේ. 

සමාජීය විද්‍යා පර්යේෂණ වලට අදාල න්‍යායික ප්‍රවේශ තුන් ආකාරයකට ඇත. 
  1. විද්‍යාත්මක අධ්‍යන ක්ෂේත්‍ර ගණනාවක් ආවරණය කරන පුළුල් න්‍යායික පර්යාලෝකයන් හෝ ගුරුකුලයන්ය. ( මාක්ස්වාදය , ව්‍යුහවාදය ,පශ්චාත් ව්‍යුහවාදය , ස්ත්‍රීවාදය ආදී )
  2. විෂයට නිශ්චිත න්‍යායයි . ( වෙබෙරියානු න්‍යායික දැක්ම  , පර්සොනියානු න්‍යායික දැක්ම ව්‍යුහවාදය , පශ්චාත් නුතනවාදය , විවිධ ස්ත්‍රීවාදී හා මාක්ස්වාදී න්‍යායික ප්‍රවේශ )
  3. පර්යේෂණ ගැටළුවටම නැතහොත් නිශ්චිත න්‍යායික ප්‍රවෙශයන්ය. ( පර්යේෂණයට අදාල  න්‍යායික සාහිත්‍යයන් භාවිතය  
 පර්යේෂණ ක්‍රියාවේදී නිරවුල් කරගත් න්‍යායික ප්‍රවේශයක අවශ්‍යතාව , ප්‍රයෝජනවත්භාවය සදහා අවස්ථා  දෙකක් ඇත. 
  1. පර්යේෂණ ප්‍රශ්න හා පර්යේෂණ ගැටළුව සකස් කරන විට 
  2. නිබන්ධනය ලියන විට 
 නිබන්ධනයක් සකස් කරන විට න්‍යායික රාමුවක් තිබිය යුතුය. අප ඉදිරිපත් කරන සමහර සාමාන්‍ය කරුණු වල පවා න්‍යායික අනුරුපයක් ඇත. අනුභාවික දත්ත විග්‍රහ කිරීමේදී න්‍යායික රාමුව නිබන්ධනය මුලදීම ඉදිරිපත් කල යුතුය.  

න්‍යායික රාමුව ගැන අධ්‍යන කිරීමේදී ශිෂ්‍යන් , අදාල න්‍යායික සාහිත්‍ය  ගැන හා න්‍යායික වැඩ විවාද හැදෑරීමෙන් න්‍යායික රාමුව යනු කුමක්ද ? කෙසේ භාවිතා කල යුතුද යන්න අවබෝධ වේ. 

න්‍යායක් පර්යේෂණයට අවශ්‍ය ඇයිදැයි ? ප්‍රශ්න කළහොත් න්‍යාය යනු අප ලෝකය දකින ජනේලය යයි කීම නිවැරදි වේ. ලෝකය යනු පිළිවෙලක් නැති සංකීර්ණ ප්‍රස්තුථයකි. එම නිසා ලෝකය දැකීමට සුදුසු  රාමුවක් දමා ගැනීමෙන් ලෝකය දැකීම පහසු වේ. එක් එක් කවුළුවකින් ලෝකය දකින්නේ වෙනස් විදියටය. විද්‍යාවෙද එවැනි කවුළු බොහෝමයක්  ඇත. න්‍යායන් බොහෝ ගණනක් ඇත්තේ ඒ නිසාය. 
ලෝකය දකින්න අප ලගට එන්නයි න්‍යායික ජනෙල ලග සිටින ශාස්ත්‍රඥයෝ  කතා කරති. අප න්‍යායික තේරීමක්  සිදු කරන්නේ එවිටය. මේ අනුව න්‍යාය යනු ලෝක දෘෂ්ඨිය වේ .  

පර්යේෂණයේදී න්‍යාය අවශ්‍ය වන්නේන්‍යායේ ඇති සත්භාවවේදී ( ontological ) පදනම නිසාය . ලෝකය දැකීම යනු දර්ශනවාදයේ එක් සංකල්පයකි. 

න්‍යායික රාමුවක් ඇතිකර ගත්  විටදී 
  1. පර්යේෂණ ගැටළුව  
  2. පර්යේෂණ ප්‍රශ්න 
  3. උපන්‍යාස 
  4. පර්යේෂණ විධික්‍රම තීරණය කිරීම
 න්‍යායික මග පෙන්වීමකින් ගුණාත්මක මට්ටමේ ඉහල තලයක පර්යේෂණයක් සිදු කල හැක .  පර්යේෂණයේ න්‍යායික නිගමන තිබෙන විට ඒවා හුදෙක් අනුභාවික නිගමන වලට වඩා ප්‍රබලය. 

පර්යේෂණ යෝජනාවලියේදී න්‍යායික ප්‍රවේශය හා රාමුව පැහැදිලි කර ගැනීම කල යුත්තේ ආරම්භක පියවරක් ලෙසිනි. පර්යේෂණ යෝජනාවලිය මුලින් පර්යේෂකයකු සකස් කරන්නේ පොතපත ආශ්‍රිත දැනුමෙනි. දෙවනුව ක්ෂේත්‍රයට ගොස් පර්යේෂණ කර ලැබෙන දැනුම අළුත් වේ. න්‍යාය සහ පර්යේෂණය වනාහි එකිනෙකින් පෝෂණය වන සංකල්ප දෙකකි. 

 ( ජයදේව උයන්ගොඩ මහතාගේ සමාජීය විද්‍යා පර්යේෂණ යෝජනාවලියක් ලිවිම . න්‍යායික හා ප්‍රයෝගික මග පෙන්වීමක් , යන ග්‍රන්ථය ආශ්‍රයෙනි. )

Sunday, May 28, 2017

අවසරයි මහරජ


රජකු යයි හගිස්සන පල්  හෑලි 
විරිත්තන විට දසන්..... මුව පළල කර 
අස්සෙන් පෙනෙන ලොසින්ජර .....
හපයක් තරම් නොවටින 

මුවෙන් වෑහෙන පුරාජේරුව ....
නොනිමි ආශාවන් පසුපස එලවද්දී ...
බඩ  ගෙඩිය තරමට ... මොලයක් නැති...
වළඳක්  තරමට .... නොපිරවන සන්තකය 

හිස්ම හිස් වදන්  පමණයි. මුවින් නික්මෙන 
පරමාදර්ශ කිසිත් නැති ... විකල්ලෙන් විටක 
පදරුත් පාන ... යාං හෑලි ... නොවටින දුවිල්ලක් වත් 
තරමට ..මරු විකාරය .. පමණි මා දකින ..නුඹ වෙතින් ...

  

Thursday, May 25, 2017

පර්යේෂණයක සාහිත්‍ය විමර්ශනය (Literature Review )


                            සාහිත්‍ය විමර්ශනය පර්යේෂණ යෝජනාවලියක වැදගත් අංගයකි. එනම් අධ්‍යනයට සම්බන්ධ තේමාවට අදාලව පවත්නා ශාස්ත්‍රීය ඥානය විචාරාත්මකව ඇගයීමයි. අධ්‍යනයට උපකාරී වන ශාස්ත්‍රීය දැනුමට  අදාල න්‍යාය, සංකල්ප විග්‍රහ , තොරතුරු , නිගමන යනාදිය සමග තර්කානුකුල සාකච්චාවකට එළඹීම සාහිත්‍ය විමර්ශනය වේ. ( Critical  engagement ) පර්යේෂණ යෝජනාවලියට සකසන ලද සාහිත්‍ය විමර්ශනය නිබන්ධනය සදහාද භාවිතා කල හැක. එමගින් කලින් සිදුකල අධ්‍යන වල අඩුපාඩු සහ නව අදහස් සොයාගත හැක.

සාහිත්‍ය විමර්ශනයක ප්‍රධාන අංග ලක්ෂණ
·        අධ්‍යන තේමාවට සම්බන්ධව පවත්නා සාහිතයේ ඇති හිස්තැන් හදුනා ගැනීම.
·        සිදු කිරිමට නියමිත පර්යේෂණයෙන් පවත්නා ඥානයට අළුතින් යමක් එකතුවේද ? එය කෙසේද ? යන්න සොයා ගැනීම.
·        අධ්‍යන තේමාවට අදාල ඉතා සමකාලින අධ්‍යන න්‍යායන්  මගින් විග්‍රහ හදුනාගත හැක.  ( යල් පැන ගිය ඒවා නොව සමකාලින කෘතීන් අධ්‍යනයට ගන්න . )
·        පවත්නා ශාස්ත්‍රීය පර්යේෂණ සාහිත්‍ය හදුනා ගැනීම මගින් , පර්යේෂණ ගැටළුව , පර්යේෂණ ප්‍රශ්න , විධික්‍රම , න්‍යායකරණය නිර්මාණය කර ගැනීමට සාහිත්‍යයේ ආලෝකය ලැබීම.

සාහිත්‍ය විමර්ශනය සිදු කරන පියවර
·        අදාල සාහිත්‍ය පිළිබද ග්‍රන්ථ නාමාවලියක් සකස් කිරීම.
               I.    මුද්‍රණයෙන් ප්‍රකාශයට පත්කර ඇති ග්‍රන්ථ
               II.  මුද්‍රණය කර නැති පශ්චාත් උපාධි  නිබන්ධන

පස් ආකාරයක  සාහිත්‍යක් මේ සදහා භාවිතා කල හැක.  
a.     පිටරට වල පලවී ඇති , තුලනාත්මක සාහිත්‍ය
( උදාහරණ ලෙස දේශපාලන පක්ෂ ගැන පර්යේෂණයක් කරන්නෙකුට මෙම ක්‍රමය භාවිතා කල හැක. )
b.     මේ රටේ පළකර ඇති සාහිත්‍ය
c.      න්‍යායික සාහිත්‍ය
(විශ්වීය මට්ටමේ සාහිත්‍ය ලංකාවේ න්‍යායික ශාස්ත්‍රීය සාහිත්‍යයේ න්‍යායික සාකච්චා දක්නට ඇත්තේ අඩුවෙනි.
d.     අනුභාවික සාහිත්‍ය
e.     මුද්‍රිත මෙන්ම මුද්‍රණය නොවූ සාහිත්‍ය ( අප්‍රකාශිත සාහිත්‍ය )
( මුද්‍රණය නොවූ සාහිත්‍ය යනු ප්‍රතිපත්ති අධ්‍යනයන් සදහා රජයේ ආයතන , විදේශ ආධාර දෙන ආයතන , රාජ්‍ය නොවන සංවිධාන වල සමීක්ෂණ වාර්තා )
·        ක්‍රම තුනකට අනුව දෙවැනි පියවර සිදු කල හැක.
  I.   විමර්ශනය කරන එක් එක් කෘතියේ ඇති ප්‍රධාන තර්ක විග්‍රහ, නිගමන සාරාංශ කිරීමයි.
   II.  එම විග්‍රහයේ ඇති තර්ක වල අඩුපාඩු , ශක්තින් සාකච්චා කිරීමයි.
   III විමර්ශනය කරන සාහිත්‍යයෙන්  පර්යේෂණයට ලැබෙන ආලෝකය  ගැන කෙටියෙන් විස්තර කිරීම
·        තුන්වෙනි පියවරේදී තමා විමර්ශනය කරන සාහිත්‍ය සමස්තයක් ලෙස ගෙන එක් එක් කෘතීන් විමර්ශනය කිරීමේදී ලබාගත් විචාරාත්මක අදහස් සංයෝග කර යලි ඉදිරිපත් කල  හැක. පවත්නා දැනුමෙහි හිස්තැන් හදුනාගෙන ඒවාට අවදානය  යොමු කිරීමට මෙමගින් ඉඩ සැලසේ.  
ගුණාත්මක හා ඉහල මට්ටමේ සාහිත්‍යක් විමර්ශනය කිරීමේදී කල යුත්තේ තේමාත්මක ව්‍යුහයක් තුල සංවිධානය කොට ඉදිරිපත් කිරීමයි. තේමාත්මක වර්ගීකරණයෙන් ඉදිරිපත් කිරීමෙන් පර්යේෂකයාගේ විචාරාත්මක හැකියාවද ප්‍රකාශනය වේ.
මුලින් විමර්ශනය  කරන ලද සාහිත්‍ය වර්ගීකරණය කරන තේමා සහ ශිර්ෂ වේලාසන තීරණය කළහැකි ඒවා නොවේ. ඒවා විමර්ශනයට භාජනය කල සමස්ත සාහිත්‍ය තුලින් මතුවිය යුතුය. එලෙස නිර්මාණාත්මකව හා තේමාත්මකව ව්‍යුහගත  කරන සාහිත්‍ය විමර්ශනයෙන් පැහැදිලි වන්නේ පරිනත ශාස්ත්‍රීය ශික්ෂණයක් පර්යේෂකයා අත්පත් කර ගෙන ඇති බවයි. සාහිත්‍ය විමර්ශණය යනු යෝජනාවලියේ ඇති හරයාත්මක කොටස වේ. එය පිටු 6,8 දක්වා දික්විය හැක.


( ජයදේව උයන්ගොඩ මහතාගේ සමාජීය විද්‍යා පර්යේෂණ යෝජනාවලියක් ලිවිම . න්‍යායික හා ප්‍රයෝගික මග පෙන්වීමක් , යන ග්‍රන්ථය ආශ්‍රයෙනි. )

Thursday, May 11, 2017

මිනිසා පිලිබද දාර්ශනික මතවාද




මිනිසා යනු සෑම විටම වෙනස් වූ චර්යාවන් සහිත කොට්ඨාශයක් බව එදා සිටි බුද්ධිමතුන් දැන සිටියහ. යමක් තේරුම් ගත හැකි අය, මේ පිරිස අතුරින්  දාර්ශනිකයන් ලෙස හැදින්වුහ . ඔවුන් තාර්කික වුහ. සාපේක්ෂ විග්‍රහයන් එදා නොතිබුනත්, යමක් පිළිබද නිරීක්ෂණාත්මක වුහ . එහි ප්‍රථිපලයක් ලෙස මෙලෙස සිය අදහස ඉදිරිපත් කරන ලදී.  අදටත් මෙම මතවාද වලංගුද නැද්ද යන්න ඔබට පැවසිය හැක. නැවතත් එම දාර්ශනික මතවාද ඉදිරිපත් කලේ , ඔබගේ අදහස දැන ගැනීමටය.

 “ සොක්‍රටීස්ගේ ආචාරවාදී දර්ශනයේ මුලික ප්‍රශ්නය වන්නේ මිනිසා වැරදි කරන්නේ ඇයිද යන්නයි  , සොක්‍රටීස් මේ සදහා දී ඇති පිළිතුර වන්නේ වරදට හේතුව අඥානකම යන්නයි . 


 “  එනම්  දැන දැන මිනිසා වැරදි නොකරන බව “ මෙයින් ප්‍රකාශ වේ. 


සොක්‍රටීස්ගේ මෙම මතය ද මේ  වන විට බිද වැටි ඇති බව පෙනී යන්නේ, අඥානයින් වගේම ඥානවන්තයින්ද වැරදි කීරිම සදහා පෙළඹව ඇති බවයි. අද සමාජය තුල සුදු කරපටි අපරාධ , සංවිධානාත්මක අපරාධ බිහිව ඇත්තේ නුවනැත්තන්ගේ අනුදැනුමෙනි. එදා සමාජයේ මිනිසුන් දැන දැන වැරදි නොකර සිටින්න ඇති, එහෙත් අද සමාජ සංකීර්ණ වෙත්ම මිනිසා සමාජ පැවැත්ම සදහා පරිණාමීය වී ඇති බැවින් අපාගාමී චර්යාවන් සදහා යොමුව ඇත.


නවින සමාජය  තුල එනම් මිනිසා පිළිබදව සිදු කරන  පර්යේෂණ වලදී     පෙන්නුම් කෙරෙන කරුණක් නම් මිනිසා    දැන දැන  වැරැදී  සිදු කිරිමයි.



ඒ වගේම සොක්‍රටීස්ගේ  අපාගාමී චර්යාව පිළිබද මතයද අදට නොගැලපේ. මිනිසා ඉච්චානුගතව නරක ක්‍රියාවන්හි නොයෙදෙන අතර යහපත වෙනුවට අයහපත තෝරා ගැනීම මිනිස් ස්වභාවය නොවන බව , අද වන විට පිළිගත නොහැකි කරුණක්ව ඇත. අඥානන් පමණක් නොව ඥානවන්තයින්ද අපාගාමී චර්යාවන්හි යෙදේ. ඒ අනුව අද වනවිට උදාහරණයක් ලෙස ගතහොත් ,  මත්පැන් වැඩි වශයෙන් සංසරණය වෙන්නේ මධ්‍යම හා  ඉහල පැලැන්තිය  වගේම උගතුන් අතර වේ. වැඩි අලෙවියක් සිදු වන්නේද ඔවුන් වෙතය .


බුදු දහමින් මත්පැන් පානය ප්‍රතික්ෂේප කොට ඇත්තේ මිනිසාට එය අනවශ්‍ය දෙයක් නිසාය . ආගමික තහනම පවා බුදු දහමට අනුව ඉදිරිපත් කර ඇත්තේ අකුසලයෙන් එනම් අපගාමිත්වයෙන් ඈත් වීමටය. එහෙත්  කිතුණු දහමේ එය එසේ කියා නැත. ආගමින් ආගමට සංස්කෘතියෙන් සංස්කෘතියට වෙනස් වන කරුණක් ලෙසද මත්පැන් භාවිතය සම්බන්ධ වූ  අපාගාමී චර්යා පෙන්වා දිය හැක. 


ප්ලේටෝ කියන්නේ අපාගාමී පෞරුෂය සහිත පුද්ගලයින් බිහි වන්නේ අයහපත් රාජ්‍ය පරිසරයන් තුලින් බවයි. 

 මේ අනුව සමාජ දේශපාලනය  කාර්ය යහපත් පුද්ගලයකු බිහිවීම් පිණිස බලපා  ඇති බව එදා පෙන්වා දී ඇත. නවීන රජ්‍යන්හි මත්පැන් භාවිතා කරන්නන් වැඩිව ඇත්තේ එම තර්කයට අනුව වන්නට පුළුවන . එනම් යම් රටක සමාජ දේශපාලනය සහ අපාගාමී පුද්ගල චර්යා අතර කිට්ටු සම්බන්ධයක් ඇති බව මේ අනුව පෙනේ. ඒ වගේම අද වන විට දේශපාලන අපරාධ බහුතරයක් සිදුවන බව අප දනී. එදා සමාජයේත්, බලය ලබා ගැනීම සදහා අපාගාමී චර්යාවන් සදහා මිනිසා අනුගතවූ බව ප්ලේටෝ දැක ඇත.


ඇරිස්ටෝටල් විසින් සොක්‍රටීස්ගේ ආචාරධර්මවාදය විවේචනය කොට ඊට වෙනස්ව යමින්

 දැන දැන වැරදි කරන පුද්ගලයා සදාචාරයෙන් දුර්වල පුද්ගලයකු බවත් ඔහු වැරදි කල විට වේදනා විදි , පසුතැවිල්ලට පත්වේ , ඒ වගේම ඔහු සම්පුර්ණයෙන්ම හොද වන්නේද නැත, නරක වන්නේද නැත ඔහු යහපත හා අයහපත අතර සිටි.  

මේ අනුව ඔහු මිනිස් ක්‍රියාව කොටස් දෙකකට බෙදා ඇත.

       I.            ඉච්චානුගත ක්‍රියාව

     II.            අනිච්චානුගත ක්‍රියාව 


 සිය කැමැත්තෙන් කරන ක්‍රියා වලට දඩුවම් ලැබිය යුතු බවත් කැමැත්තෙන් තොරව සිදු කරන ක්‍රියා සදහා සමාව දියයුතු බව පෙන්වා දෙමින් ඥානවන්තයින් තුල වුවද අපාගාමී චර්යාවන් බිහි වන්නට හැකි වන බව ඉහත තර්කයෙන් පෙන්වා දේ. ඔහුගේ නීතියේ සිද්ධාන්තය නම් ඉදිරිපත් කිරීමේ එලෙසින් සටහන් කර ඇත. 


මෙහිදී මනෝ විද්‍යාත්මක වශයෙන් , සොක්‍රටීස්ට වඩා ඇරිස්ටෝටල් මිනිසාට නොවැලක්විය හැකි ආවේග පිලිබදව මුල්තැන දෙමින් පැහැදිලි කර ඇත. 

මා මෙය දකින්නේ නීතියේ සිද්ධාන්ත වලට අනුව අපරාධයක් සිදුවීම සදහා  චේතනාවක් නොතිබූ  බවට ඔප්පු වී ඇති විට  , මිනිසා වෙත සහන සලසන ආකාරය පෙන්වා දිය හැක. 


මේ අනුව අවේග පාලනය කිරීමේ නොහැකියාවද මත්පැන් පානය සදහා යොමු වූ එක් කාරණාවක් බව හදුනාගෙන ඇත. එනම් මත්පැන් පානය කරන පුද්ගලයා කොතරම් දුර්වලයකු උවත් , ඔහුගෙන් සෑම විටම වැරදි සිදු නොවේ. මෙය මනෝ විද්‍යාත්මක හේතු කාරණාවකි. 

අනෙක් අතට,  මත්පැන් පානය කරන ලද  පුද්ගලයා හට  ආවේග පාලනය කිරීම  අපහසු  වන බවද මත්පැන් හා සම්බන්ධ අපරාධ දෙස බැලීමේදී පෙනී යයි. මෙයද මනෝ විද්‍යාත්මක කරුණකි.


අද සමාජයේ මිනිස්සුන් වැරදි කරවීමට පෙළඹෙන  සාධකය ලෙස යම් අවස්ථාවක මිනිසා  සිටින, සමාජ සංස්කෘතිය හේතු වේ.  වේ. ඒ දෙසට මිනිසා තල්ලු වන්නේ ඔහු නොදනුවත්මය සංස්කෘතියේ එක වැදගත් අංගයක් නම් මත්පැන් පානය,  එම සන්ධර්භය තුල , එය ඔහු විසින් කල යුතු වේ. මත්පැන් පානය සදහා ඇබ්බැහිවුවන්ගේ මුල් අඩිතාලම වැටෙන්නේ මේ අනුවය. මේ සදහා සමාජ උප සංස්කෘති න්‍යාය බලපා ඇති බව පෙනේ. 

තවද , සමහර සංස්කෘතින්  තුල අපරාධ සදහා පෙළඹවීම් සිදු කෙරේ . ගෝත්‍රික සමාජ තුල මේවා වැඩි වශයෙන් සිදු වන්නේ ඔවුන්ගේ සම්ප්‍රදායික චාරිත්‍ර ඉටු කිරීමට යාමෙනි. 

විශ්ව විද්‍යාල උප සංස්කෘතියේ තිබෙන නවකවදයද එවැන්නකි.


එපික්යුරස්ගේ ආචාරවාදී දර්ශනයේ කේන්ද්‍ර හරය වන්නේ සොම්නසය. එයට අනුව සමහර ආශාවන් තෘප්තිමත් නොකිරීමෙන් වේදනාව ඇති වේ. එනිසා නරක පුරුදු පුද්ගල පෞරුෂයෙන් බැහැර කල යුතු බව ඔහුගේ අදහස් විය . 


ඉහත තර්කයට අනුව මත්පැන් පානය කරන පුද්ගලයකු එමගින් ඈත් කිරීමට උත්සහ ගැනීමේදී ඇතිවන ශාරීරික වේදනාව  මත් නිවාරණය කිරීමේදී දැකගත හැක. මෙය පුද්ගලයා තුල මනෝ කායික සිද්ධාන්ත අනුව සිදු වන්නකි. 

තවද අසම්මත හැසිරීම් නිසා ලබන කායික තෘප්තියද මෙවැන්නකි.


ස්ටෝයික්වාදින්ගේ අදහස වුයේ අධ්‍යාපනය නොමැති මිනිසා තිරිසනෙකුට සමාන බවයි. එම නිසා  ඇති වූ අවිද්‍යාව  තුල අපාගාමී චර්යා හැඩ  ගැසෙන බවයි. 


අපාගාමී චර්යාව පිළිබද වාර්තා වලට අනුව අපගේ පර්යේෂණ වලදී වැඩි වශයෙන් සංඛ්‍යා ලේඛන මගින් අනාවරණය වුයේ පහල අධ්‍යාපන මට්ටමේ සිටින  අයවලුන් වේ. එම හේතුවෙන්, මනුෂ්‍යත්වයට එරෙහි ක්‍රියාවක් ලෙස අපාගාමී චර්යා ඉගෙන ගනී. එම නොදැනුවත්කම තුලින් මත්පැන් පානය සදහා පුද්ගලයින් යොමු වන බවත් අද්‍යාපනය හා චර්යාව අතර සම්බන්ධතාවයක් ඇත යන මතය තහවුරු වේ. මේ අනුව ස්ටෝක්වාදින්ගේ තර්කය හා එකගවිය හැක. 

එහෙත්, ඉහල අධ්‍යාපනය ලබා ඇති අය කෙරෙන්ද අපාගාමී චර්යා ලක්ෂණ පහල වී ඇති බැවින් එදා වලංගු වූ මෙම තර්කය අද වන විට බිද වැටෙමින් පවතී .


තෝමස් හොබ්ස්ට අනුව මිනිසා ස්වභාවයෙන්ම චණ්ඩ ගති ඇත්තෙක් බව පැවසේ. මිනිසා විවිධ ආශාවන් සපුරා ගැනීමට අපාගාමී ලෙස කටයුතු කරන බව දක්වා ඇත. 

සෑම මිනිසකු තුලම චණ්ඩ ගති ඇති බව පිළිගත හැකිවේ. එය මනෝ විද්‍යාත්මක සාධකයකි. එහෙත් සෑම කෙකෙකුටම වක හා සමාන ලෙස අපාගාමී චර්යා පාලනය කිරීමේ හැකියාව අඩු වැඩි වේ. එම හේතුවෙන් එම චණ්ඩ  ගති සමහර අය තුලින් පමණක් විද්‍යමාන  වේ.


ජෝන් ලොග්  පවසන්නේ මිනිසාගේ ගති පැවතුම් ගැන මෙලෙසිනි. ස්වභාවික යුගයේ මිනිසා හොද ජිවිතයක් ගත කල අතර  මිනිසා තුල අපාගාමී  පෞරුෂ බිහි වීමෙන් සදාචාරයට තර්ජන එල්ලවීම නිසා සමාජ සම්මුතියක් මත සිවිල් ආණ්ඩුවක්  හා මිනිස් ගැටළු විසදීම සදහා අධිකරණ ක්‍රමයක් බිහිවී ඇති බවයි. 

ලොග් ගේ එම මතය හා එකග විය හැක. මිනිසුන් සිදු කරන වැරදි නිසා
අධිකරණ ක්‍රමය බිහිව ඇත. ස්වභාවික යුගයේ සාමයෙන් සිටි මිනිසා තුල අපාගාමී චර්යාවන් බිහිව ඇත්තේ බලයට ඇති ආසාව නිසාත් , ඒ තුලින් අපාගාමී චර්යා වලට ඉඩක් ඇති සිවිල් සමාජය බිහිව ඇති නිසාය .


ස්පිනෝසාගේ දර්ශනයට අනුව මිනිසා අපගාමිත්වයට පත් වෙන්නේ පුද්ගල අභ්‍යන්තරයේ ඇති අවිද්‍යාව නිසා බැවින් හොද - නරක පිළිබද අවබෝධයක් මිනිසාට නොලැබෙන බවත් දක්වා ඇත. 

 ඒ වගේම මිනිස් චර්යාව තීරණය වීමේ සාධකයක් ලෙස නිෂ්ක්‍රිය හා සක්‍රිය ආවේග දක්වා තිබේ. 


ඩේවිඩ් හියුම් ගේ දර්ශනයට අනුව මිනිස් ක්‍රියාවන් සමාජයට යහපතක් වන්නේ නම් එය සදාචාරාත්මක වන බවත් අයහපතක් වන්නේ නම් එවැනි ක්‍රියාවන් දුෂ්චරිතවත් වන බවත් පවසා ඇත.

එමගින් ගම්‍ය වනුයේ සදාචාර විරෝධී , සමාජ අසම්මත චර්යාවන් පවතින පුද්ගලයා තුල අපාගාමී පෞරුෂයක් දක්නට ලැබෙන බවයි. එහිදී සොම්නස ලබා ගැනීම සදහාත් වේදනාවෙන් ඈත් වීම සදහාත් සමාජ අසම්මත ක්‍රම පුද්ගලයා  භාවිතා කරන බවයි. 


අපාගාමී චර්යාවෙන් යුක්ත පුද්ගලයා බොහෝ විට ප්‍රථමික හා ද්විතියික ප්‍රේරණ  සන්තර්පණය කර ගැනීමට යාමේදී පොදු සදාචාර නිතින් උල්ලංඝනය කරනු ලන බව , සිග්මන් ප්‍රොයිඩ් පවසා ඇති අතර එය ස්වභාවයෙන් මිනිසාට ලැබුණු ආශයක් බවද දක්වා ඇත. 


කාල් මාක්ස්ට අනුව ධනවාදී ආර්ථික රාමුව තුල මිනිසාට ඇති වූ ඉච්චාබංගත්වය හා අසහනය නිසා  පරාරෝපනය වීමෙන් අපාගාමී පෞරුෂය ගොඩ නැගෙන බව දක්වා ඇත . 

මිනිසා සුරා කෑමට ලක්වන විට ඇතිවන ඉච්චාබංගත්වය හා අසහනය නිසා දුගිභාවයට පිළියම් සෙවීමට යාමේදී මිනිසා අපගමිත්වයට පත්ව ඇති බව නුතන සමාජය තුල සිද්ධි ගවේෂණයෙන්  ඔප්පු කල හැක. සොරකම් කිරීම වැනි වැරදි සිදු වන්නේ එවිටය.  

ඉහත දක්වා ඇත්තේ මා පොත්පත් කියවීමෙන් සොයා ගන්නා ලද මතවාද කීපයක් පමණි. ඔබ දන්නා අපාගාමී චර්යා සම්බන්ධ  වෙනත් දාර්ශනික මතවාද ඇත්නම් මේ post එකට එකතු කරන්න .

( මිනිසාගේ අපාගාමී චර්යා පිළිබද අපරාධ විද්‍යාත්මක මග පෙන්වීමකි. )